KARIK TO’O ABAN BAIRUA (Poesia)

Hosi: Riskaninda Maharani

Ha’u rona ó-nia hamnasa maka’as de’it

Hamnasa maka’as mak hamosu tarutu 

Iha kidun laran ha’u-nian

Ha’u hatene ó-nia brinku no hamnasa maka’as de’it

Brinku no hamnasa maka’as mak hamosu preokupasaun no laran-ta’uk

Iha lidun laran ha’u-nian

Ha’u hakarak atu haluha hamnasa maka’as ne’e

Maibé tarutu ida-ne’e hetok forte hodi hapraga ha’u

Iha domin no sasulik laran nian be limitadu-laek

Ha’u hakarak hasees hamnasa maka’as ne’e

Mais preokupasaun ida-ne’e hetok maka’as atu soe ha’u

Iha domin no sasulik saudades nian ne’ebé rohan-laek

Se sentimentu ida-ne’e sala

Tansá mak tarutu ne’e reál tebes?

Tempu ó hamnasa maka’as iha ha’u-nia tilun

Se laran-ta’uk ne’e la loos

Tanbasá mak preokupasaun ne’e moos tebetebes?

Oras ó haruka mai ksolok no moras lahalimar iha lidun laran ha’u-nian

Se ó sente fuan taridu ne’e

Fuan taridu hanesan oras ó tenta ha’u

Se ó hatene tebes fuan taridu ne’e karik

Fuan taridu hanesan tempu ha’u koko atu hetan ó

Hamnasa maka’as ne’e atu sai reál ka?

I bele rona tebetebes iha lidun tilun ha’u-nian?

Hamnasa maka’as ne’e bele iha ka?

No bele rona to’o iha lidun laran ita-nian?

Keta ha’u nunka para atu husu karik to’o aban bairua

Karik hamnasa maka’as sira ne’e rai de’it iha ha’u-nia hirus-matan to’o loron ruma

To’o ha’u rona katak hamnasa maka’as sira ne’e iha realidade la’ós ba ha’u

To’o ó lakohi ona hodi fó sai ó-nia hamnasa maka’as sira ne’e ba ha’u

Malang, Indonézia, 3 Marsu 2008.

***Poezia “Karik To’o Aban Bairua” nian ne’e fo sai tiha ona iha RTL 91,70 MHz nian ba dala primeiru iha loron-domingu, 30 Outubru 2011 tuku 20.21-20.24 ho hahusuk espesiál hosi lokutór no produtór programa rádiu nian iha RTL 91,70 MHz nian, Robert Mendonça***